L’anéye qu’il èst mètu d’ssu pîd, li Comité d’ Walonîye dècide, come l’Assimbléye walone l’a sowaîtî, di rinde bon d’vwêr aus cias qu’ont disfindu l’ payis, aus cias qu’ont moru è 1830 ossi bin qui timps dè l’ guêre 14-18. Li 30 di sètimbe 1923, on cortéje va po l’ prumî côp à l’ cimintiére dè l’ vile. È 1924, c’è-st-avou l’ Îme walon èt d’zo l’ drapia qu’ mostêre li Coq hardy, qu’on mèt lès fleûrs su lès fosses. 

È 1952, li Sècrètaîre jènèrâl Maurice Bourland tûse à one saqwè d’ fwârt mouwant : on-èfant îrè planter one gayârde su l’ fosse di chaque sôdâr bèlje ou alié. 

Dispû adon, ci pèlèrinadje la a s’ place tos l’s-ans, li dîmègne dès Fièsses di Walonîye. Gn-a todi one masse di djins à l’ cimintiére di Bèlgrâde.