Saquants r’cètes satchîyes foû do « Lîve di r’cètes dè l’ Province di Nameur », èdité pa « Li Chwès » Soce Nin R’caurlante (asbl)

Sope namurwèsse

Po 4 djins, vos auroz dandjî :
500 gr di canadas
5 agnons, 1 blanc d’poria
1 L d’êwe ou on miète di boulu lacia
75 gr di bûre
50 gr di fromadje di Florène
4 trintches di blanc pwin rostîyes (nin trop grandes)
sé èt pwève

Pèloz 4 agnons, côpoz-lès è finès rondèles èt fioz lès riv’nu à p’tit feu, avou 50 gr di bûre dins one pitite cas’role, avou l’agnon restant discôpé à boûre. Rajoutoz one miète di bolu lacia, saloz èt pwèvroz. Stindoz li fromadje machî avou 25 gr di bûre su l’pwin rosti.
Wîdoz li sope dins 4 assiètes èt mètoz li pwin rosti su l’sope

---

Cassolète di nameur

Po 4 djins, vos auroz dandjî di :
4 bias bokèts di via
4 trintches di rognon d’via
4 trintches di ris d’via
1 couyî à cafeu di pwès d’pèkèt fin’mint atchîes
on bon vère di gin
2,5 dl di fond d’via
4 boukèts di cresson
do bûre
do sé èt do pwève.

Comincî pa r’nèti lès ris d’via lès blanki, lès lèyî rafrèdi, lès s’goter èt lès mète inte dues pwèds, au frigo. Discôper vosse tchau. Asêsoner li rognon, asêsoner èt passer à l’farène les bokets d’via. Lès mète dins on bûre coleûr di neûje. Quand is on cûts à mitan, z-î mète 2 pwès di pèkeèt ètîrs. Qhand li rognon èst rôsé, li r’ssatchî èt li t’nu au tchôd, li remplacer pa l’ris d’via asêsoné èt passer à l’farène.
Quand c’èst cût, mète lès tchauss au tchôd, rissatchî les pwès di pèkèt, flamber au gin, discrauchî avou l’fond d’via, r’wêti à l’asêson’mint et radjouter lès pwès di pèkèt atchîs.

CHICONS PWELES : Laver lès chicons. Bin ècrauchî au bûre li fond èt lès bwards d’one cocote en fonte. Arindjî lès chicons en rond, pwintes vie l’mitan. Saler, paujèr’mint, mète on bon centimète d’êwe, one bone gaye di bure au d’zeûs, rascouviè d’one fouye d’aluminium, amwinrner à fer boûre èt cûre à êwe frumjiante.
Tinre au tchôd au bin-mariye.

PO SIERVU : Doner on côp d’tchôd à vosse tchau. Lès arindjî su one assiète. Mète on chicon li pwinte viè li wôt, lès canadas cûts à l’vapeûr èt on boukèt di cresson. Rascouvioz li tchau avou d’jeu

---

Djèrèt d’via namurwès

Po 4 djins, vos auroz dandjî :
1djéré d’via
100 gr di sauin
one dozin.ne di pi p’tits agnons d’prétins
20 p’tites carotes
one pougnîye di p’tits fris’pwès
20 p’tits novias canadas
1 dl d’êwe
sé èt pwève

Dimandoz à vosse botchî di côper li djèrè è 4. Fioz fonde li sayin dins one cas ‘role à spès fond èt fioz riv’nu lès bokèts di djèrè. Rajoutoz lès agnons pèlés èt lès canadas pèlés ou grètés. Machî one miète di sé èt d’pwève dins li dl di bolante êwe èt wîdoz-l’su l’tchau èt lès lègumes. Couvioz l’cas’role èt lèyioz cûre à p’tit feu ½ eûre. Ci djèrè-là ni r’chin’rè nin su one bone Blanke di Nameur d’émon Belot à Purnode.