Adjancener lès Waloniâdes, c’èsteûve rèfwarcî cor one miète di pus li costé populaîre dès Fièsses di Walonîye. Po ça, on-z-a mètu d’ssu pîd tote one trûléye di djeus qu’ont todi stî dès djeus do payis walon. 

Fé one èquipe ? Rin d’ pus auji. Lès mimbes dimeûrenut dins onk dès quârtiers tradicionéls des Fièsses ou bin i provègnenut tot simplèmint d’one vile walone. 

Çoci dit, po fé l’èquipe, on dwèt tot l’ min.me sûre li drwèt do djeu. I faut on capitin.ne, 6 vraîs djouweûs (nin dès résèrvisses) avou po l’ mwins΄ one bauchèle, on-èfant di 8 à 10 ans, on deûsyin.me di 10 à 12 ans. Chaque di zèls è-st-inscrît po onk dès 6 djeus. 

Il èst rèquis d’awè 16 ans po l’ mwins΄ , po fé one èquipe, à paurt bin sûr po lès deûs djeus daus-èfants. 

Lès Waloniâdes si passenut su l’ Place Sint-Aubwin. Do matin, on s’ètrin.ne ; di l’après-non.ne on djoûwe po d’ bon. 

On-z-a tchwèsi cès djeus ci : 

• Li djeu d’ guîyes
• Li coûsse aus bèrwètes
• Li djeu d’ sèle
• Li djeu do djambon (mât de cocagne)
• Li coûsse aus satchs
• Li satchadje dè l’ cwade. 

Po lès-èfants : Li vôye dès trotinètes èt l’ vôye dès cèkes.