Li Champagne-Ardenne, prumêre réjion d’ France à l’oneûr timps dès Fièsses di Walonîye !

One réjion bin mèteuwe èt bin ayèssîye
Li Champagne-Ardenne èst mèteuwe à l’idéye, nin lon èri dè l’ réjion d’ Paris èt dès grands
martchis dau Nôrd-Ѐs’ di l’Eûrope. Ѐlle èst bin ayèssîye po ç’ qu’èst dès trins (TGV Est), dèsaréyopôrts
(aéroport international Paris Vatry), dès-autoroutes èt dès fleûves.
Payis do Champagne, li Champagne-Ardenne è-st-è crwèsemint d’ l’Eûrope.

On payis qui faît glèter èt qu’i faît bon î viker èchone
Come li champagne qui nos faît tûzer au mot fièsse, li Champagne-Ardenne sipite avou totes
sès miscoterîyes. Dès Ârdènes à l’ Wôte-Marne, tot passant pa l’Aube èt l’ Marne, li
Champagne-Ardenne vos f’rè glèter : rodje din.ne daus-Ârdènes, sètch djambon ârdinwès,
blanke tripe di Rethel, andouyète di Troyes, pîds d’ pourcia di Sinte-Menehould, Champagne,
trufes dè l’ Wôte-Marne, Rôsé dès Riceys, mostaude di Reims, fromadje di Langres, Rocroi
ou Chaource, whisky dè l’ Montagne di Reims, vin di Coiffy, cîde dè Payis d’Othe, bîres
d’Ârdène, pititès lentîyes dè l’ Champagne ou rôses biscwîts d’ Reims,…

Comint qu’on d’vint maîsse po brâmint d’s-afaîres
Payis d’ mârtchands èt d’ botikîs, pwis, tot timpe, payis d’ fabriques, li Champagne-Ardenne,
avou l’ timps, a div’nu, maîsse po brâmint dès sôtes : èbaladje / lojistique, bwès, tèchadje,
ûsines di fiêr po d’mwin, fabriques d’auto èt d’ostèyes po l’ médecine.
Au djoû d’audjoûrdu, li Champagne-Ardenne èst t’t-à faît ègadjîye dins l’ bate do monde ètîr
“ Industrie et Agro-Ressources ”. Ѐle î boute, lèye, po fé crèche lès tècnolojîyes di d’mwin
sins pont fé d’ twârt à l’ djin èt au monde qu’il î vike. One ôte bate a skèpyî : MATERALIA ;
èlle a l’ dâr di mostrer l’ vôye à sûre po dès novias matériaus su lès martchis d’ l’énèrjîye,
dès-aviyons, di l’auto èt di ç’ qu’a rapôrt à l’ médecine.

Deûs réjions fwârt èchone
Lès deûs réjions socenéyenut dispû longtimps ca èlle ont brâmint èchone : li min.me istwêre,
li min.me langue, li min.me culture, dès sawè-fé, dès-ûsances po l’agriculture ou lès fièsses,
on patrimwin.ne, dès payisadjes. Dins cès deûs réjions la qu’ont l’ min.me vicadje, il a todi
v’nu dès drigléyes di djins qu’aboulenut po travayi, po-z-acheter èt vinde, èt po passer leûs
condjîs.
Audjoûrdu, li Champagne-Ardenne èt l’ Walonîye ont dècidé d’ bouter èchone, - mins ç’ côp
ci, on dècide èchone comint qu’on l’ faît. Leûs deûs présidints on siné on-acôrd po totes sôtes :
— comint qu’on-z-arindje li tèritwêre,
— comint qu’on faît crèche dès maîssès-ayèsses foû di s’ réjion
— comint qu’on s’ sièv di l’environemint èt do patrimwin.ne dè l’ nature, èt comint qu’on l’ garantit
— comint qu’on faît crèche li tourisme èt comint qu’on done dè l’ valichance aus places historiques
— comint qu’on faît crèche l’économîye èt l’ tècnolojîye
— comint qu’on scole po lès mèstîs.

Dispû, on s’a co mètu d’acôrd saquants côps po bouter èchone dins lès prodjèts po yèsse li
mèyeû, ou co po l’ santé, li fôrmâcion, li r’chêrche, lès scoles, li tourisme, li culture, po-z-è fé
profiter totes lès djins dès deûs réjions. D’on-ôte costé, avou lès caurs di l’Eûrope, notamint
dau FEDER, gn-a one masse di prodjèts INTERREG po fé do novia qu’ont skèpyî.