Li tradicionél omadje à François Bovesse si passerè su l’ pitite place dè l’ Pwate di l’Ètur Sambe èt Moûse, pad’zo l’ Maujone dè l’ Culture. 

C’èst l’ momint qui lès Fièsses di Walonîye comincenut oficiélemint. On-z-î vièrè l’ Comité Central di Walonîye èt dès r’présintants do monde politique, judiciaîre, militaîre èt do monde dès soces. 

Po mète li cougnèt, li Présidint dè l’ Fratèrnéle dès Tchèsseûs Ârdinwès d’ Nameur qu’aurè avou li l’s-autorités, prîyerè lès djins po v’nu pwarter dès fleûrs pad’vant l’ plaque en l’oneûr di François Bovesse. Lès Tchèsseûs Ârdinwès f’ront ça à l’ mémwêre do ci qu’a mètu leû soce dissu pîd. 

À 7 eûres à l’ nêt, lès pwates dè l’ Maujone dè l’ Culture sèront-st-au laudje po qu’on vâye veûy ou r’veûy l’èspôsicion Ernest Montellier (qui s’ tint do 27 d’awous΄ jusqu’au 21 di sètimbe) qui l’ Muséye provincial des Arts anciens a adjancené.