Cit-anéye ci, li Comité Central di Walonîye a co dècidé d’ propôser one après-non.ne po lès-èfants.  

Pace qui si lès Fièsses di Walonîye nos faîyenut d’abôrd tûzer à l’ musique, à l’ djôye, aus-amougnîs èt aus manifèstâcions, i n’ faureut nin po ça passer yute dè l’ culture walone èt d’ l’istwêre di nosse vile. È causer aus-èfants, c’è-st-one saqwè à fé qui compte brâmint. 

Adon, deûs classes di cinquyin.me èt d’ chîjyin.me primaîre di noûv sicoles do keûr di Nameur, ont stî priyîyes li vinrdi 19 di sètimbre su l’ Place d’Ârmes. 

Voci l’ programme : 

• One eûre di l’après-non.ne : binv’nûwe po lès scolîs
• One eûre èt d’méye : istwêre dès Fièsses di Walonîye
• Di 2 e. jusqu’à 3. e : spèctake « L’École dès chèvres à pull », (è walon, Li Scole dès gades à tricoté)
• 3 e. : rimètadje dès cadaus « Po s’ sov’nu dès Walonîyes 2008 » 

Lès djins dins dès rôlantès tchèyêres î polenut bin moussî.